22-28 мамыр аралығында Қарақия ауданында «Заңсыз тасымалдаушы» жедел-профилактикалық іс-шарасы өткізілді, деп хабарлайды mangystaumedia.kz сайты.
Алты күн ішінде полицейлер жолаушыларды тасымалдау ережесін бұзудың 36 фактісін анықтады. Жергілікті полиция қызметкерлерінің айтуынша, рейд жолдардағы қозғалыс қауіпсіздігін қамтамасыз ету, жолаушылар тасымалының орындалуын бақылауды күшейту мақсатында өткізіліп отыр.
«Заңсыз тасымалдаушы» жедел-профилактикалық іс-шарасы аясында жолаушыларды тасымалдауға қатысатын автобустардың техникалық жағдайы тексерілді. Қоғамдық көліктерден бөлек, жеке тасымалдаушылар да тексерілді. Оның ішінде шетелдік нөмірлері бар көліктердің иелері де. Жалпы рейд нәтижесінде 36 заңбұзушылық анықталды», - деп атап өтті жергілікті полиция бөлімі.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
