Түпқараған ауданы, Ақшұқыр ауылындағы Ақшұқыр мектеп-лицейінің түлегі Ермұқан Аида Ұлттық Бірыңғай Тестілеуден 140 ұпайдың 134 ұпайын жинады, - деп хабарлайды mangystaumedia.kz.
Мектеп директоры Қаламқас Тлеубаеваның сөзінше, Ермұқан Аида Ұлттық Бірыңғай Тестілеуге тыңғылықты дайындалған.
- Негізгі пәндердің барлығынан жинауға тиісті ұпайдың барлығын жинаған түлегімізбен мақтанамыз. Осы тұста Аиданың математика пәнінен 50 ұпайдың толық 50 ұпайын еншілеуінде математика пәнінің мұғалімі Өсер ағайының еңбегі ерекше екендігін атап өткіміз келеді. Оқушымыз Аиданың таңдау пәні - информатика-математика. Бұл екі пәнді де сүйіп оқитын тиянақты, білімді оқушы. Өте білімді, әрі өз бетімен тыңғылықты дайындалатын түлектеріміздің бірі. Жыл басынан бері үнемі байқау сынақтарынан 120-дан жоғары ұпай жинап жүрген білімді түлегімізден келесі мүмкіндікте де жоғары нәтиже күтіп отырмыз, - дейді мектеп директоры.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
