Мемлекет басшысы Қасым-Жомарт Тоқаевтың Қазақстан халқына арнаған Жолдауының маңызы ерекше деп есептеймін. Себебі Жолдау - қазақстандықтардың тұрмыс-тіршілігін, тұрмысын жақсарта түсуге бағытталған.
Жолдауда халықтың әл-ауқатын арттыруда басымдық белгіленді. Бұл жолғы Жолдауда да өмір сүру деңгейінің артуына ерекше екпін салынды. Оның ішінде білім берудің, денсаулық сақтау саласының, тұрғын үйдің сапасы мен қолжетімділігі жайлы және қауіпсіз жағдайда өмір сүру мәселелері түп-түгелімен қамтылды. Ал ауыл шаруашылығы саласы бойынша Жолдауда көрсетілген бірінші басымдық – ауыл шаруашылығын дамытпай, бәсекеге қабілетті экономика құру мүмкін емес, - деді Президент. Сонымен қатар бұл салада шешімін таппай келе жатқан өзекті мәселелерге де тоқталды.
Атап айтқанда, жұрттың жерге қол жеткізе алмауы, ұзақ мерзімге берілетін «арзан несиенің» болмауы, кәсіби мамандардың тапшылығы, - деді. Жолдауда вертикальді кооперация аясында жеке қосалқы шаруашылықтың әлеуетін пайдаланған абзал, - деп Президенттің айтқаны қуантады. Себебі жеке шаруашылықтарда мал өсіріп, жеміс-жидек өңдіріп отырған ауыл тұрғындарына бұл қосымша табыс табуға өте үлкен мүмкіндік беретіні сөзсіз. Кооперация шаруашылықтарға шикізат сатып алу, өнім өндіру және оны сатуды ұйымдастыру барысында күш жұмылдыруға мүмкіндік беретіні белгілі. Президент Жолдауда ауыл еңбеккерлерінің ауыр жұмысы тым ар- зан екенін ерекше бағалады. Ал табыстың басым бөлігіне алыпсатарлар кенеліп жатады, - деп нақты атап өтті. Сондықтан субсидия және салық жеңілдіктерін беру бағдарламалары аясында ауылдық жерлердегі кооперацияны ынталандыру үшін тиісті шаралар топтамасын әзірлеу қажет екеніне ерекше назар аударғаны шаруалардың жұмыстарын одан әрі дамытудың кезекті қолдауы, - деп есептеймін. Президент Жолдауда тағы бір маңызды мәселені көтеріп, қадап айтқаны - жеріміз шетелдіктерге сатылмайды, - деді. Бұл өте дұрыс шешім деп ойлаймын. Бір сөзбен айтқанда осы Жолдау ауыл шаруашылығын көтеруге, мемлекеттің қолдауымен көптеген мүмкіндіктерді іске асыруға болады деп есептеймін.
Гүлнара БЕКҚАЛИҚЫЗЫ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
