Бұл туралы Маңғыстау ауданына қарасты «Маңғыстау жылу, су» коммуналдық кәсіпорын директоры Талғат Ерманов мәлім етті.
«Шетпе селосының батыс бетінде орналасқан мал сою пунктінің жұмысын өз балансымызға алып, ауданды ет өнімдерімен қамтамасыз етуді көздеп отырмыз. Сондай-ақ, жылқы, сиыр, қой ешкіні бордақылаймыз. Бордақылау бұл сапалы ет өткізу үшін қажет. Мәселен, Қостанайдың, Ақтөбенің және жергілікті жердің шөбін алып, төрт түлікті семірту бағытында жұмыс істейміз. Жалпы біз жоспар бойынша жылқы, сиыр, қой, ешкіні облыс көлеміндегі шаруа қожалықтарынан тіке қабылдаймыз», - деді Талғат Ерманов.
Мамандардың айтуынша, қасапхананы қалпына келтіріп, мал сою және бордақылау пунктіне зоотехник пен мал дәрігерін қызметке тартуды жоспарлап жатыр. Пункт жанынан ветеринариялық, лабароториялық зертхана жұмыс істейтін болады.
Естеріңізге сала кетейік, 2017-2018 «Маңғыстау жылу, су» коммуналдық кәсіпорын қызметі қаржылық қиындыққа тап болып уақытша жабылған еді. 2019 жылдың қыркүйек айында қайта жұмысын бастаған кәсіпорын мал сою пунктін жандандырмақ.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
