Құрықта спорт күніне орай эстафеталық жарыс өтті

Құрық ауылы әкімі аппаратының ұйымдастыруымен аудандық балалар мен жасөспірімдер спорт мектебінде «Адал жол» атты сыбайлас жемқорлыққа қарсы және халықаралық «Спорт» күніне байланысты эстафеталық жарыс өтті.

Жарысқа ауыл тұрғындары арасынан жастар мен жасөспірімдер және мектеп жасындағы балалар белсене қатысты.

Жыл сайынғы дәстүрге айналған эстафеталық жарыстың «Бес асық» ойынына І-орынды Қ. Амалханова, А. Мұрынова, ІІ-орынды Н. Алдаберген, Ұ.Жұмалыққызы, ІІІ-орынды М.Байрамова, А.Ізбасаровалар иеленді.

«Асық ату», «Арқан тартыс», «Қол күрес», «Жеңіл атле­тика», «Стрипбол» тәрізді жарыстардың қорытындысы бойынша І-орын Б.Ізімов, А.Мұратов, Е.Бисенбаев, М.Нарымбаев, Ж.Келдібеков, №1 орта мектебіне, «Фитнес» командаларына бұйырса, ІІ-орынды А.Асқар, Е.Бисенбаев, Б.Қонабаев, Қ.Жексенбинов, А.Жолдаспаев, С.Жұмалыұлы, Жома-95, «АРМ» командасы, О.Қанағатов, Ж.Атшыбаевтар қанжығасына байлады.

Сондай-ақ атаулы жарыста Б.Жұбанышев, Ж.Елтаев, «72», «М-93» командалары, А.Ахметов, Ж.Келдібекұлы, А.Жакуов, М.Арқалықовтар болса ІІІ-орынды қанағат тұтты.

Ауыл ойындарының қорытындысы бойынша жеңімпаз командалар мен жүлдегерлерге ақшалай сыйлықтар мен дәрежелі дипломдар табыс етілді.

Майра ТӨЛЕУОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.