Жарылғыш зат тауып алған бала не істеуі керек?

©

Жақында Ақтау қаласындағы Исатай Сүйеубаев атындағы №8 мектепте «Жарылғыш заттарды тауып алған кездегі іс-әрекет. Жарылғыш заттар туралы келіп түскен анонимді хабарламаларды қарау тәртібі» тақырыбында «он-лайн» режимінде интерактивті сабақ өткізілді. Маңғыстау облыстық төтенше жағдайлар департаментінің азаматтық қорғау бөлімі ұйымдастырған бұл сабаққа 25 мектеп, 5-8-сыныптардың 391 оқушысы, 19 мұғалім қатысты.

Интерактивті сабақты жүргізген азаматтық қорғау бөлімінің аға офицері, майор Олжас Ергенбаев кез-келген жерден жарылғыш заттарды тауып алған кездегі іс-әрекеттер туралы толық әңгімелеп, жарылғыш заттар туралы жалған қоңырау шалатындарды қандай жауапкершілік күтіп тұрғанын түсіндірді.

Сондай-ақ сабақ барысында оқушыларға тақырыпты қамтыған бейне роликтер мен слайдттар көрсетілді. Ал оқушылар жарылғыш заттар тауып алған жағдайда іске асуы тиіс әрекеттерге орай  өздерін қызықтырған сұрақтарына жауап алды.

Валентина ҚОЗЫБАҚОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.