Жаңаөзендік спортшылар дзюдодан жасөспірімдер арасында өткен облыстық ашық біріншілікте 3 алтын, 1 күміс иеленді, деп хабарлайды mangystaumedia.kz Қоғамдық коммуникация орталығына сілтеме жасап.
Жастарды дене шынықтыруға баулу мақсатында өткен байрақты бәсекеге Ақтау қаласы, Шетпе, Ақшұқұр ауылы мен Жаңаөзен қаласынан 300-ге жуық балуан қатысты.
Жаңаөзен қаласындағы «Жақсы» спорт кешенінен барған 13 спортшы қала абыройын қорғады. Командалық есеп бойынша спорт клубы 1-орынға ие болды.
Атап айтсақ, 26 келі салмақта Ертас Есентемір 1-орын, 32 келі салмақта Аңсар Талғатбек – 1-орын, 35 келі салмақта Абдуллах Нұрберген – 1-орын, 35 келі салмақта Дінмұхаммед Нұрберген – 2-орын алды.
Жалпы «Жақсы» спорт кешеніндегі «Дзюдо» үйірмесінде 70-тен астам бала тәрбиеленуде.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
