Жаңаөзен қаласының әкімі Жансейт Қайнарбаев Өскемен қаласында өткен Паралимпиадалық және арнайы олимпиадалық бағдарламалардың спортшылары арасында «Қазақстан Республикасы Ат спорты федерациясының кубогы» үшін VII ашық республикалық жарысының жүлдегерлерімен кездесті, деп хабарлайды mangystaumedia.kz.
Қала әкімдігінің баспасөз қызметінің хабарлауынша, кездесуге спортшылардың аналары және жаттықтырушысы Самат Әлен қатысқан.
«Қала әкімі спортшылардың параспортты дамытуға қосқан маңызды үлесін жоғары бағалап, алғыс хаттар табыс етті», - деп жазылған баспасөз хабарламасында.
Айта кетейік, Өскеменде өткен жарысқа Жаңаөзеннен бес паралимпиадалық спортшы қатысты.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
