Судан денесі табылған марқұм қыздың туыстары оны жігітінің өлтіргеніне сенімді

Валерия Шалнованың туыстары қыздың өз өлімімен қайтпағанына сенімді және оның өлімін өз-өзіне қол жұмсады деп көрсетпек болды дейді. Қылмысқа қызғаныш себеп болуы мүмкін, деп хабарлайды mangystaumedia.kz #НеMoлчиkz-ке сілтеме жасап.

Марқұмның бауыры Каролинаның айтуынша, Валерияда бәрі жақсы болған - оқу, жұмыс және өмірге деген ұзақ мерзімді жоспарлары. Бойжеткеннің өмірін күңгірт еткен жалғыз нәрсе – оның жігітінің қызғанышы, мінез-құлқы болған.

Мәйіт табылу қарсаңында отбасында жанжал болмаған. Көңіл-күйі көтеріңкі бойжеткен тазалықшы болып істейтін кафеге жолға шыққан.

«Ол сағат 00:00 шамасында жұмысқа кетті. Онда өзінің жас жігітімен кездеседі, ол оны аңдып жүретін ылғи. Үйге жеткіземін деп уәде беріп, кетіп қалады. Содан сіңілім достарымен бірге аттарға бармақ болады. Лера атқораның басшысынан рұқсат сұрайды, ол оған рұқсат береді. Осыдан кейін ол дос қызына оған барамын деп жазды. Камераларға қарағанда, ол кафеге түнгі 12-де кіріп, шамамен 02:30-да шығып кеткен. Ол кезде жігіті Әзім жоқ еді. Оның қайда кеткені белгісіз», - дейді Каролина Шалнова.

Достарымен хат жазысудан алынған мәліметке қарағанда, Валерия әуелі көлікке мінбекші болған, бірақ сағат 03:36-да ол бір жігітпен танысқанын айтып, ешкімге айтпауды өтінген.

«Құрбысы Валерияның жігітіне телефон соғып, оның бір жігітпен танысқанын айтады. Бұл мотив – қызғаныш. Ол өте қызғаншақ. Үнемі аңдып, үнемі бақылап, оның кіммен және қайда екенін тексеретін, үнемі жанжал шығарады. Ол ұратынын айтып шағымданатын, ол оны тұншықтырған кездері де болды, денесі көгеріп жүрді. Біздің отбасымыз бұл қарым-қатынасқа қарсы болды, бірақ ересек адамға қалай кедергі етуіміз керек? Біз ол оны таңдауы емес деген қорытындыға келеді деп үміттендік», - деді марқұм қыздың әпкесі.

Досымен сөйлескеннен кейін Валерия Шалнова желіге шықпаған. Ал одан кейін қыздың мәйіті МАЭК-тің су арнасынан табылды. Оның заттары мен сөмкесі жақын жерде жатты, бірақ телефоны жоқ. Кейін ол жігітінің үйінен табылған. Каролинаның айтуынша, оның бауыры судан қатты қорқатындықтан өз-өзіне қол жұмсауы мүмкін емес.

Полиция қызды өз-өзіне қол жұмсады деп есептейді. Валерияның денесінен зорлық-зомбылықтың белгілері табылмады. Оқиға фактісі бойынша сотқа дейінгі тергеп-тексерудің бірыңғай тізіліміне Қазақстан Республикасы Қылмыстық кодексінің 105-бабы – Өзін-өзі өлтіруге апару фактісі бойынша тіркелді.

#НеМолчиkz хабарлауынша, бұл іске адвокат Ажар Әбділ қосылған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.