Өмірзақ ауылында азық-түлік дүкендеріне мониторинг жасалды

Ақтау қалалық кәсіпкерлік және ауыл шаруашылығы бөлімі мен Өмірзақ ауылының әкімдігі бірлесіп, шағын-азық түлік дүкендерін аралады. Мониторинг барысында әлеуметтік маңызы бар тауар бағаларының сауда үстемесінің сақталуы тексерілді, - деп хабарлайды mangystaumedia.kz сайты.

«Мониторинг барысында азық-түлік тауарларының сауда үстемесінің 15% аспауы қажет екені түсіндірілді. Сонымен қатар сөредегі барлық тауардың бағасы көрсетілуі қажет екендігін де айтып өттік»,- деді қалалық кәсіпкерлік және ауыл шаруашылығы бөлімінің бас маманы Дәулет Белек.

Айта кетейік, әлеуметтік маңызы бар тауарлар тізімінде 19 түрлі өнім: ұн, нан, мейіз, жұмыртқа, қарақұмық, күріш, қант, күнбағыс және сары май, ет (сиыр еті, тауық еті), сүт өнімдері (сүт, айран, сүзбе), көкөністер (картоп, сәбіз, пияз, қырыққабат) және тұз бар.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.