Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
13-14 қараша күні Абу-Дабиде өткен «Аbu-Dhabi World Professional Jiu-Jitsu Championship» әлем чемпионатында маңғыстаулық спортшы Еркебұлан Исламғали бразилиялық джиу-джитсудан күміс жүлде иегері атанды, деп хабарлайды mangystaumedia.kz Қоғамдық коммуникация орталығына сілтеме жасап.
Қазақстан құрамасында өнер көрсеткен 2007-2008 жылдар арасындағы 42 келі салмақта шыққан Еркебұлан Исламғали жасыл белбеулер ішінен 2-орын алды.
Еркебұланның жаттықтырушысы Есболат Медеуовтің айтуынша, спортшының алғашқы қарсыласы сириялық спортшы салмақ түсіре алмауына байланысты жерлесіміз бірден жеңімпаз атанған. Жартылай финалда Белгия елінің спортшысын 13:5 ұпаймен жеңіп, финалда бразилиялық спортшыға 0:2 ұпай санымен есе жіберді. Жаттықтырушылары Қонысбай Раков және Есболат Медеуов.
Бұл халықаралық старт AJP Tour халықаралық турнирлерінің финалдық туры болып саналады және бразилиялық джиу-джитсудан беделді жарыстардың бірі болып табылады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.