Маңғыстаудың 5 студенті - «Қазақстанның 100 үздік студенті» құрамында

Маңғыстаулық бес студент «Қазақстанның 100 үздік студенті» қатарына қосылды, деп хабарлайды mangystaumedia.kz Қоғамдық коммуникация орталығына сілтеме жасап.

Техникалық және кәсіптік, орта білімнен кейінгі білім беру ұйымдарының студенттері арасында өткен «Қазақстан Республикасы колледждерінің үздік 100 студенті» республикалық конкурсына Маңғыстау облысынан үздік 10 студент жолданды.

1-15 қараша аралығында «Тop 100 outstanding kz tvey students» платформасына онлайн дауыс беру жүйесi арқылы өтіп, 5 студент «Қазақстан Республикасы колледждерінің үздік 100 студенті» атағына ие болды.

Олар Халел Өзбекғалиев атындағы Маңғыстау жоғары политехникалық колледжінің студенттері Алмас Тасхайров, Назерке Құралбай, Каспий педагогика және салалық технологиялар колледжінің студенті Айдана Исакова, Н. Бекбосынов атындағы Маңғыстау энергетикалық колледжінің студенті Кажымухан Сугурбаев пен Тұрар Жолдасханов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.