Маңғыстау облысында вахталық жұмысқа бара жатқан адамдар мінген автобус аударылып қалды, деп хабарлайды mangystaumedia.kz.
Жол апаты Ақтау-Қаламқас бағытындағы тас жолдың 144-ші шақырымында болған. Кен орындарының біріне бара жатқан автобуста адамдар толы болған. Облыстық ПД-нің мәліметінше, жол апатынан ешкім зардап шекпеді.
«Бұл апат бүгін күндізгі сағат 13:40-та болды. Автобуста вахталық жұмысқа бара жатқан адамдар болған. Оқиға кезінде ешкім зардап шекпеді. Жұмысшылар басқа автобусқа отырып, жұмыс орнына кетті. Қазіргі уақытта полиция қызметкерлері апат орнында оқиғаның себептерін анықтап жатыр», - деді облыстық полиция департаментінің баспасөз қызметіндегілер.