Әйел адамды немесе баласын ұрып-соқса қайда жүгінуге болады?

«Әйел адамды немесе оның баласын ұрып-соққан болса, ол қайда жүгінуі керек?» Бұл сұрақты mangystaumedia.kz сайтының редакциясы Маңғыстау облысы ІІД әйелдерді зорлық-зомбылықтан қорғау тобының аға инспекторы Ақсаула Тұрғымбаеваға қойды.

– “Ең алдымен 102-ге хабарласып, болған жайды хабарлау керек. Осыдан кейін учаскелік полиция қызметкері мекен-жайға барып, шұғыл әрекет ету шараларын жүргізеді және жәбірленушінің өтініші бойынша қорғау нұсқаулығын береді - агрессорға 30 күн ішінде жұбайы мен балаларына жақындауға тыйым салынады. Сонымен қатар, ол профилактикалық есепте тұрады және аптасына бір рет полиция бөлімшесіне келіп, онымен тәрбиелік мәні бар әңгімелер өткізіледі. Оқиға бір ай ішінде қайталанса, агрессор ҚР ӘҚБтК-нің 461-бабы бойынша – 5 күннен 10 тәулікке дейін қамауға алу бойынша әкімшілік жауапкершілікке тартылады”, - дейді Ақсәуле Тұрғымбаева.

Келесі әрекеттерді учаскелік инспектор жасайды, жәбірленушіні ұрып-соғу фактісін құжаттау үшін сот-медициналық сараптамаға жібереді.

– “Жедел жәрдем шақырсаңыз, олардан медициналық анықтама талап етуіңіз керек. Зорлықшының кінәсін сотта дәлелдеу үшін ұрып-соғуды жазып алу өте маңызды. Егер ерлі-зайыптылар баланы ұрып-соғатын болса, онда ол да балалардың құқығын қорғаумен тікелей айналысатын кәмелетке толмағандар істері жөніндегі қызметкерлер бар полицияға хабарласуы керек. Полиция сондай-ақ балалардың әкесіне қатысты, яғни ол балаларға тиіспеуі немесе жақындамауы үшін қорғау ұйғарымын шығара алады, ал ұрып-соғу қайталанса, ол 15 тәулікке дейін қамауға алынуы мүмкін», - деп атап өтті полиция өкілі.

Агрессордың құрбаны психологиялық және заңгерлік көмек алатын дағдарыс орталығына да бара алады. Маңғыстауда 15 және 25 орынды екі тұрғын үй яғни дағдарыс орталығы және әйелдерге құқықтық мәселелер бойынша көмек көрсететін үш кеңсе бар.

Жәбірленуші сондай-ақ Бірыңғай мемлекеттік байланыс орталығы – 111 немесе дағдарыс орталығының 8 778 559 6463 сенім телефонына хабарласа алады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.