Алғыс айту күніне орай колледж студенттері қайырымдылық акциясын ұйымдастырды

Жаңаөзен қызмет көрсету және жаңа технологиялар колледжінің студенттері «Ізгіліктің бас ізі – Алғыс айту» қайырымдылық акциясын ұйымдастырды, деп хабарлайды mangystaumedia.kz қала әкімдігінің баспасөз қызметіне сілтеме жасап.

Қайырымдылық акциясы шеңберінде аз қамтылған, көп балалы және толық емес 7 отбасы тұтыну себеттерімен қамтамасыз етілді.

Акцияны «Студенттік парламент» белсенділері, кәсіподақ ұйымының төрайымы Ф.Жайбергенова, басшының тәрбие жөніндегі орынбасары Ю.Кисбаев, педагог-психолог Г.Исаева, педагог-ұйымдастырушы А.Еркебаева және жастар парламентінің президенті А.Сақтағанов және колледж жанынан құрылған «Шапағат» еріктілер клубының белсенділері ұйымдастырды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.