Ақтаудағы туристік маусымды алғашқы болып ресейліктер бастады

Бүгін Ресейден Ақтауға ресейліктер мінген чартерлік рейс келіп, өңірдегі туристік маусымды бастап кетті. Екатеринбург - Ақтау рейсімен 120-ға жуық демалушы ұшып келді, деп хабарлайды mangystaumedia.kz.

Маңғыстау облысының туризм басқармасының басшысы Мәулен Ғабдулқалиевтің айтуынша, қазір шетелдік туристерді қабылдау бойынша басқа қонақүйлермен келіссөздер жүргізілуде.

«Осы жылдың маусым-тамыз айларына арналған туристік пакеттер сатылды. Қазір Ақтаудың басқа қонақ үйлерімен шетелден туристерді қабылдау бойынша келіссөздер жүргізілуде. Бұл ретте, қонақүйлерде тиісті инфрақұрылым, олар ұсына алатын қызметтердің туристік пакеті болуы тиіс, - деп атап өтті Мәулен Ғабдулқалиев.

Өңірдің табиғи және тарихи-мәдени орындарына ұсынылатын экскурсиялар ауқымы барынша кеңейтілді. Сонымен қатар, маршруттар туристік орындарды тексеретіндей етіп жасалған, ал тамақтану және демалу нүктелері басқа жерлерде орналасқан.

«Алдағы 2-3 жылда қонақтарды қазақ халқының мәдениетімен, тұрмысымен және қонақтарлы қабылдау сервисімен таныстыратын экскурсиялық маршруттардан, этно-ауылдардан өту жолында туристер үшін тағы үш визит-орталық салу жоспарланып отыр, - деді Мәулен Ғабдулқалиев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.