Ақтауда мектептің әжетханасы туралы видео түсірген оқушыға мектеп басшылығы жаза қолданбақ

Ақтау қаласындағы 3 мектептің оқушысы комиссия келердің алдында мектеп әжетханасында сұйық сабын мен дәретхана қағазын көріп, таң қалған видеоны әлеуметтік желіге жариялаған. Енді сол үшін мектеп басшылығы оқушыға жаза қолданбақшы. Бұл туралы оқушы қыз жаңа видеода айтты, деп хабарлайды mangystaumedia.kz сайты.

Видеода “Мектептің ТЖО-сы ата-анаңа айыппұл саламыз. Жарыстарға бармайсың деп айтты” делінген.

Әлеуметтік желілерде мектеп әкімшілігінің оқушы қызға жаздырған түсініктемесі де жарияланған.

Мәселеге қатысты қалалық білім бөлімі түсініктеме берді.

- 11-сынып оқушыларының видеолары шындыққа жанаспайды. Тазалықты және санитарлық нормаларды сақтау мақсатында мектеп дәретханалары мен мектеп асханасында үнемі тазалағыш заттар (сұйық сабын, дәретхана қағазы) қойылады. Бейнежазбаны түсірген оқушы мұны әзіл үшін жасағанын мойындады, - дейді Ақтау білім бөлімі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.