Ақтауда Қасым, Жомарттың ата-анасы дауыс берді

Жуырда ғана әлеуметтік желінің жұлдызына айналған ақтаулық егіздер Қасым мен Жомарттың ата-анасы да өз таңдауларын жасады. Олар Ақтаудағы №8 мектепте орналасқан сайлау учаскесінде дауыс берді, деп хабарлайды mangystaumedia.kz

Егіздердің әкесі Ерлан Мәуленов елде болып жатқан саяси науқанға үн қатуды ол азаматтық парызы деп санайды.

-Мен Қазақстан Республикасының азаматы ретінде осындай тарихи кезеңде шет қалмауға шешім қабылдадым. Бүгін, міне жұбайыммен бірге Ақтаудағы №8 учаскеге келіп, өз таңдауымызды жасадық.
Бүгінгі күн – болашақты айқындар тарихи кезең. Біз осындай саяси науқандарға қатысу арқылы еліміздің бүгіні мен ертеңі біздің қолымызда екенін, болашақ ұрпақ үшін жауапкершілік алатынымызды көрсетеміз. Балаларымыз - Қасым мен Жомартты ерте келдік. Себебі, артымыздан ерген ұрпағымызға осындай тарихи сәттерге жауапкершілікпен қарауға үйретуіміз керек. Отандастарымызға елдің тыныштығы, әр отбасының амандығын тілеймін, - дейді Ерлан Мәуленов.

Қасым мен Жомарт Мәуленовтер 2009 жылы дүниеге келген. Егіздерге бұл есімді әжесі қойған. Олар үйдің үлкені. Ақтаудағы №11 лицейдің 8 сыныбында оқиды. Егіздер бірнеше тілде еркін сөйлейді. Болашақта дипломат болуды армандайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.