Ақтауда бейнебақылау жүйелері арқылы 200-ден астам қылмыс ашылған

© фото Хабар 24

Жедел басқару орталығының инспекторлары 24 сағат бойы қылмыс пен құқықбұзушылықтарды анықтап, біріктірілген полиция жасақтарының жұмысын үйлестіріп, тәулік бойы жұмыс істеуде, деп хабарлайды mangystaumedia.kz облыстық жол полициясына сілтеме жасап.

Қазіргі таңда Маңғыстау облысында жедел басқару орталығының 900-ден астам бейнебақылау камералары жұмыс істейді. 2022 жылдың 12 айында олардың көмегімен 200-ден астам қылмыстық және 38 мыңнан астам әкімшілік құқық бұзушылықтар ашылды. Орталық қызметкерлері өз жұмыстарында полиция мемлекеттік-жекеменшік әріптестік аясында орнатылған бейнебақылау камераларының мүмкіндіктерін де пайдаланады.

Жақын арада «Сергек» жүйесінің бейнебақылау камералары жедел басқару орталығына қосымша біріктіріледі, бұл нақты уақыт режимінде маңызды көлемдегі ақпаратты өңдеуге мүмкіндік бермек.

-Сонымен қатар, «102» арнасына жүгіну жүйесі жаңартылды. Бүгінгі күні біз көп арналы байланыс жүйелері арқылы қоңырауларды қабылдай аламыз.«Полиция 102» мобильді қосымшасы да бар, - дейді Ақтау қалалық полиция басқармасына қарасты орталықтың бастышы, полиция майоры Сеймур Гаджиев.