© Фото ашық дереккөзден
Көлік министрлігінің Автомобиль көлігі және көліктік бақылау комитетінің бастамасымен республика бойынша «Назар аударыңыз, ауыр салмақты автокөлік» рейдтік іс-шарасы ұйымдастырылды. Бірлескен іс-шара барысында ауыр салмақты көліктердің, оның ішінде самосвалдардың қозғалысы бойынша бақылау күшейтілді, деп хабарлайды mangystaumedia.kz.
Рейдтік іс-шаралардың нәтижесінде 40 млн теңгеге жуық сомада әкімшілік айыппұл салынып, 229 бұзушылық анықталды.
Көлік министрлігінің хабарлауынша, шамадан тыс ауыр жүк тасымалдайтын машиналарға қатысты анықталған бұзушылықтардың ең көп үлесі Маңғыстау, Түркістан және Ұлытау облыстарына тиесілі екені анықталды.
Айта кетейік, еліміз бойынша барлығы 450 мыңнан астам жүк көлігі тіркелген, оның ішінде 60 мыңнан астамы самосвалдар. Жүктерді тасымалдау кезінде Министрліктің 2015 жылғы 26 наурыздағы 342 бұйрығына сәйкес рұқсат етілген параметрлерді сақтау маңызды.