Экологтар Ақтаудағы жағалау суының ластану себебін анықтауда

Маңғыстау облысы бойынша экология департаменті 7-шағын аудан маңында лас судың теңізге ағу фактісі бойынша шара қабылданғанын айтты. Тұрғындар ағынды судың жағалауда орналасқан дәмханалардың бірінен ағуы мүмкін екенін айтып отыр, деп хабарлайды mangystaumedia.kz экология департаментіне сілтеме бере отырып.

Мамандар көрсетілген орынды тексеріп, жер астынан су шығып жатқанын, негізгі көзі қайдан екені әлі белгісіз екенін хабарлады.

Департамент Ақтау қалалық тұрғын үй-коммуналдық шаруашылық бөлімі, «Каспий жылу, су арнасы» МКК және «Қала жолдары» ЖШС-не аталған жайтқа қатысты негізгі көзді нақтылау керектігін хабарлаған.

Қазір мамандар су көзін орнатуда. Департамент мамандары су сынамасын алып, зертханаға жеткізді. Нәтижесі кейінірек жарияланады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.