Ақтауда «Caspiy winter eco fest» фестивалі өтеді

Бүгін Ақтауда қалалық ішкі саясат және тілдерді дамыту бөлімінің қолдауы аясында «Эко Маңғыстау» үкіметтік емес ұйымының ұйымдастыруымен «Caspiy winter eco fest» экологиялық фестивалі өтеді, деп хабарлайды mangystaumedia.kz сайты қала әкімдігінің баспасөз қызметіне сілтеме жасап.

Экологиялық жиында бірнеше экологиялық бекет ұйымдастырылған. Атап айтқанда, квесттер, фотоаймақ, аквагримм, буккросинг, ұтыс ойыны, қолөнершілер жәрмеңкесі мен «Ескіден – жаңаға» атты балаларға арналған шеберлік сыныптары өткізілмек.

Сондай-ақ ұйымдастырушылар көрермендерге анимациялық бағдарлама да дайындады.

-Іс-шараның негізгі мақсаты - қоршаған ортаны қорғауды насихаттау және қалада экологиялық мәдениетті қалыптастыру. Экологиялық фестивальда көрермендер тек экоәдеттер мен қоршаған ортаны қорғау туралы ғана емес, салауатты өмір салтын ұстану туралы ақпарат біліп, қала тарихымен таныса алады. Фестивальға кіру – тегін. Барлық қала тұрғындары мен қонақтарын 24 желтоқсан күні 4 шағын аудан «Holliday Inn» қонақ үйінде, сағат 11:00-де экологиялық фестивальда күтеміз,- деді «Эко Маңғыстау» үкіметтік емес ұйымының басшысы Кирилл Осин.

Сонымен қатар фестиваль аясында «Ақтау БАҚ айнасында - 2023» және «Үздік аула, үздік аула сыпырушы, үздік мекеме» байқауларының жеңімпаздары марапатталмақ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.