Әкімдік жаңа тұрғын үй кешендерін салуға рұқсат беруді тоқтата алмай отыр

Ақтау әкімдігі қаладағы жылу және су қуатының қайта қалпына келуіне дейін сәулет-жоспарлау тапсырмаларын беруді алып тастауды сұрап отыр, - деп хабарлайды mangystaumedia.kz сайты.

«Мен құрылыс компанияларына бірнеше рет шағымдандым және сәулет-жоспарлау тапсырмасын беруден бас тарттым. Бірақ олар сотқа жүгінеді, содан кейін оны бермеуге құқығымыз жоқ, өйткені ШОБ-ты шектей алмаймыз. Бізде мерзімдері мен негізсіз бас тартулар тексеріледі. Ал бас тартудың себебі ретінде сыйымдылықтың жоғын сылтаурата алмаймыз. Егер кәсіпкер сәулет-жоспарлау тапсырмасына құжат тапсырған болса, біз бас тарта алмаймыз. Ал бас тартсақ, олар сотқа шағым түсіреді, рұқсат беру туралы нұсқау басқа да уәкілетті органдар береді. Сондықтан біз Премьер-Министрге СЖТ шығаруды тоқтату талабымен жүгіндік. Бұл мемлекеттік қызмет, оны қала немесе облыс әкімінің шешімімен алып тастауға болмайды», - деді Ақтау қаласының әкімі Ұлықбек Тналиев.

Қазір Ақтауда бұрын құжаттарын алған 130 көпқабатты тұрғын үй кешені салынып жатыр, оның 30-ы - заңсыз. СЖТ беру басымдығы мен қуаты тек әлеуметтік мекемелерге беріледі - бұл жеке балабақшалар мен мектептер, - деді қала басшысы.

«Қазіргі таңда ҚЖСА мен МАЭК жаңадан енгізілген нысандар – көппәтерлі тұрғын үй кешендері үшін техникалық шарттарды бермейді. Олар кіру актісін ала алмайды. Иә, бұған дейін оларға жылу мен су көлемін орталық тораптан алатындай техникалық шарттар берілген. Енді рұқсат бермейміз. Ал кәсіпкерлер «мен тұрғын үй салдым, енді не істеуім керек?" дейді. Біз көлемді қайдан береміз? Тек автономды жылу беру нұсқаларын қарастырыңыз, қазандықтар салыңыз дейміз», - деді қала әкімі.

Сумен қамтамасыз ету мәселелерін шешу үшін күшейткіш стансалар желісі салынды. Былтыр 9 автономды блокты-модульдік қазандық іске қосылды, қазір 100 мегаваттық қазандық жобасының сараптамасы аяқталуда. Қазір Ақтауда жылу қуаты бойынша шамамен 250 Гкал тапшы, ауыз судың қажеттілігі тәулігіне 25 мың текше метр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.