Бос жұмыс орындар жәрмеңкесінде 1000-ға жуық жұмыс орны ұсынылды

Ақтауда бос жұмыс орындар жәрмеңкесі өтті. Жұмыссыз азаматтарға 1000-ға жуық жұмыс орны ұсынылды, - деп хабарлайды mangystaumedia.kz сайты Маңғыстау облысының жастар ресурстық орталығының баспасөз қызметіне сілтеме жасап.

Шараның негізгі мақсаты - нәтижелі жұмыспен қамту, әлеуметтік жұмыс орындарын құруға жұмыс берушілерді кеңінен тарту, жастарды осы шараға белсене қатысуға шақыру. Білім, медицина, сервистік қызмет көрсету, қаржы және әскери сала бойынша 25 мекемеден жұмыс берушілер келген. Сонымен қатар жастар ресурстық орталығы мамандары жұмыс іздеп келген азаматтардың құжаттарын рәсімдеуге және түйіндемесін жазуға көмек көрсетті. Қатысушылар жұмыс беруші мекемелердің өкілдеріне түйіндемелерін тапсырып, әңгімелесуге шақырылды.

Жәрмеңкені Маңғыстау облысының жастар ресурстық орталығы мен Ақтау қалалық жұмыспен қамту орталығы ұйымдастырды.

Айта кетейік, былтыр бос жұмыс орындар жәрмеңкесіне 13 000-ға жуық азамат қатысқан. 4500-ден аса жұмыссыз азамат жұмысқа орналасқан.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.