Түпқараған ауданының әкімі Айбек Қосуақов Сайын ауылындағы су жинақтау қоймасының жұмысымен танысты, - деп хабарлайды mangystaumedia.kz сайты Түпқараған ауданы әкімдігінің баспасөз қызметіне сілтеме жасап.
Қазіргі таңда VI кварталдағы жеке тұрғын үйлерге су құбырын тарту жұмыстары жүріп жатыр.
Жаз мезгілінде Ақшұқыр және Сайын Шапағатов ауылдарында судың жетіспеушілі жиі болады. Су мәселесіне байланысты тұрғындар тарапынан да арыз-шағымдар көптеп түседі. Алайда «Коммуналдық қызмет» мекемесіне қарасты су қоймасы елді мекенді сумен толық қамтамасыз етуге күші жетпейді.
Сол себепті де қосымша су жинақтау қоймасын салу қажеттілігі туындап отыр. Осы ретте аудан әкімі мәселені нақты шешу жолдарын ұсыну туралы тиісті сала мамандарына тапсырма берді.
Жұлдызай ҚАЛИЕВА
Суретті Түпқараған ауданы әкімдігінің баспасөз қызметі ұсынды
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
