Жаңаөзендік 394 отбасы Ақтаудан баспанамен қамтамасыз етіледі

Кешенді жоспар аясында Жаңаөзен қаласының мұқтаж азаматтарын Ақтау қаласына көшіру мақсатында республикалық бюджеттен 2,9 млрд теңге және «Өзенмұнайгаз» АҚ-нан 1 млрд теңге бөлінген, - деп хабарлайды mangystaumedia.kz сайты.

Қала әкімі Мақсат Ибағаровтың халыққа есеп беру кездесуінде айтқанындай, қазіргі уақытта 338 пәтер сатып алынған. Көшуге ниет білдіргендер комиссия шешімінің оң қорытындысын алып, келісім-шартқа отыру жұмыстары жүріп жатыр. Бүгінде 70 отбасы пәтерлерін алып үлгерген.

- Бұл жылы қосымша 150-200 пәтер сатып алу жоспарланып отыр. Қызылсай ауылында өрт салдарынан үйсіз қалған 6 отбасыны баспанамен қамту бойынша әкімдік тарапынан жұмыстар ұйымдастырылып жатыр, - деді Мақсат Ибағаров.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.