Атқарылған істердің оң нәтижесі

©

Апта басында Маңғыстау облысы әкімінің бірінші орынбасары Серік Аманғалиевтің төрағалығымен кезекті аппарат жиыны өтті. Басқосуда атқарылып жатқан жұмыстардың нәтижелері, түйткілді мәселелер талқыланды.

Ең алғаш сөз алған облыс­тық жұмыспен қамту және әлеуметтік бағдарламалар басқарма басшысы Қуаныш Берішбаев атқарылған жұмыс бары­сына тоқталды.

Жастар жұмыссыз қалмауы тиіс

Облыста 2018 жылдың екінші тоқсаны бойынша жұмыс күші 278 368 адамды құрайды. Оның ішінде 66 661-­і – 28 жасқа дейінгі жастар. Жастар арасындағы жұмыс күшінің 64 616 адам жұмыспен қамтылды. Маңғыстаудың жұмыспен қамту орталықтарында жұмыссыз ретінде 2594 адам тіркелген. Жұмыспен қамтылғандардың 58,2%-­ы кәсіби, техникалық, қызмет көрсету, сауда саласындағы жұмысшылар болып табылады. Жұмыссыздық деңгейі 4,9%-­дан 4,8%-­ға төмендесе, оның ішінде жастар жұмыссыздығы – 4,4%­-дан 2,8%­-ға азайған. Нәтижелі жұмыспен қамту және жаппай кәсіпкерлікті дамыту 2017­-2021 жылдарға арналған бағдарламаның үш бағыты бойынша 8349 жас жұ­мыспен қамтамасыз етілді.

Жұмыспен қамту орталықтары­на жыл басынан бері 8349 жас жүгінген. Аталған бағдарламаның бірінші бағыты бойынша 2018 жыл­дың қыркүйегінде қысқа мерзім­ді кәсіпке оқыту бойынша 397 жас жіберіліп, оның 269 аяқтады. Ал бағдарламаның екінші бағыты бо­йынша 2018 жылы 1 млрд. 840 млн теңге қаражат бөлінді. Жаңа бизнес идеяларды жүзеге асыру мақсатында мемлекеттік гранттар беру үшін 12 млн. теңге бөлінді. Жыл басынан бері бастау бизнес жобасы аясында кәсіпкерлік дағдыларды үйретуге 157 жас қамтылып, 19 адам бизнес жобаларын қорғады. 19 жоба іске асырылып, қаржылай қолдау көр­сетілді. Үшінші бағыт бойынша жыл басынан бері барлығы 7780 жас жұмыспен қамтылып, оның ішінде 4800 тұрақты жұмысқа, 2970 уақытша жұмыс орнымен қамтылды. Уақытша жұмыс ішін­ де 351 адам әлеуметтік жұмыс орындарына, 1551 адам ақылы қоғамдық жұмысқа, 1068 адам жастар практикасына жіберілді. Сонымен қатар «Жаңа серпін» бағ­дарламасы аясында облыс бойын­ша өндірістік тәжірибеге 110 адам жолданды. Оның 89-­ы – 14 пен 29 жас аралығындағы жастар.

Баяндаманы тыңдаған Маңғыстау облысы әкі­мінің бірінші орынбасары Серік Аманғалиев жұмыспен қамту жә­не әлеуметтік бағдарламалар бас­шысы Қуаныш Берішбаевқа ауыл­ аймақтағы жұмыссыз жастарды анықтап, оларды тұрақты жұмыспен қамтуларын қадап айтты.

Тәлім-тәрбие – тұрақты назарда 

Маңғыстау облысының білім басқармасы басшысының балалар құқықтарын қорғау және тәрбие жұмыстары жөніндегі орынбасары Айжақсы Тұржанова білім саласы төңірегіндегі мәселелер жөнінде баяндама жасады.

Ол өз сөзінде, жыл сайын облыс­тық білім ошақтарында жүргізілетін «Мамандықтар фестивалі» өткізі­ліп, оған оқушылар мен студенттер белсене қатысатындығын сөзге тиек етті.

– «Серпін» бағдарламасын ақ­параттандыру мақсатында мек­теп түлектері мен ата­аналардың қатысуымен жиындар өткізілді. Бағдарламаны жүзеге асыру ая­сында жастар саясаты мәселелер басқармасы Ш.Есенов институты­ның өкілдерімен облыстық штат құрылды. Қазіргі таңда «Серпін» бағдарламасы бойынша аймақтың 1039 түлегі білім алуда. Оның 864­-і ЖОО­-да білім алса, 150 бала кол­леджде оқып жатыр, – деді Айжақсы Тұржанова.

Нәтижелі жұмыспен қамту жә­не жаппай кәсіпкерлікті игеру бағдарламасынан тыс «Дипломмен ауылға»  және  «Жасыл  ел» бағдар­ламасы бойынша көрсеткіштер жоғары. Жастарды жұмысқа тарту өт­кен жылмен салыстырғанда 4,5%-­ға өскен. Жұмыспен қамту орталық­тарында жұмыссыз жүрген әрбір жастың сұрақтарына жауап беретін, кеңес беру бұрыштары бар. Жұмыс­сыздарға арналған жәрмеңке жиі ұйымдастырылады. Осындай жұ­мыстардың нәтижесінде 8 адам тұ­рақты жұмысқа орналасты.

Сондай­-ақ жиында Ұлттық банк өкілі «7-­20-­25» бағдарламасы ая­сында мәселелерді қозғады.

Жиын соңында облыс әкімінің бірінші орынбасары Серік Аман­ғалиев бірқатар басқарма басшы­ларына келіп түскен хаттар мен құжаттардың орындалуы және жа­уап беру мерзімі кешіктірілмеуіне қатысты тапсырма берді.

Зухра ӘБДІЛ-САТТАР

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.