Маңғыстауда биыл 9 мектеп пайдалануға беріледі

©

Биылғы оқу жылында Маңғыстауда 6300 орындық 9 мектеп пайдалануға беріледі. Жыл басынан бері 920 орындық 10 балабақша ашылған, желтоқсанға дейін тағы да 23 балабақша іске қосылады. Бұл туралы Маңғыстау облыстық мәслихатының кезектен тыс 20-сессиясында облыс әкімі Ералы Тоғжанов айтты.

Сессияда Е.Тоғжанов 2018 жылдың 1-ші жартыжылдығы бойынша облыстың әлеуметтік-экономикалық даму қорытындысын баяндады.

Е.Тоғжановтың айтуынша, жыл аяғына дейін бөбектер 100%-ға балабақшамен қамтылады.

«Облыста 23 медициналық ұйым үшін адам денсаулығындағы акауларды ерте мерзімде анықтауды қамтамасыз ететін құны 1 млрд.теңге 16 заманауи УЗИ аппараттар сатып алынды», - деп атап өтті әкім.

Сонымен қатар Ақтаудағы «Ана мен бала» өңірлік орталығының құрылысы да көп ұзамай аяқталады деп жоспарланып отыр.

Камшат ОҢҒАЛТАЙ,

Көрнекі сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.