Баспана жайы талқыланды

Жуырда «Кәсіби әскерилендірілген авариялық-құтқару қызметі» республикалық мемлекеттік кәсіпорнының Маңғыстау филиалының конференц-залында ҚР Президенті Н.Назарбаевтың «Президенттің бес әлеуметтік бастамасы» атты Қазақстан халқына Үндеуін талқылау мақсатында басқосу болып өтті. Шараға филиалдың басшылығы мен ұжымы, «Нұр Отан» партиясы Ақтау қалалық филиалының өкілдері мен Ақтау қалалық мәслихатының депутаттары қатысты.

Президенттің "5 әлеу­меттік бастама­сы» Үндеуінің «Бірінші бастамасы – 7­20­-25 бағдарламасы» жайындағы ой­-пі­кірлерімен бөлісуге келген қонақ­тар Маңғыстау филиалы базасы­ мен танысып, авариялық-­құтқару жабдықтарын көрді. Қиын да маңызды қызмет иелері – құт­қарушылармен жүздесіп, са­уалдарына жауап алды. Осыдан кейін нұротандықтар филиал ғи­маратындағы терминал  арқылы «КӘАҚҚ» РМК Маңғыстау фи­лиалының қызметі туралы бейне­ фильмді тамашалады. Құтқару­шылар қызметіне қанық болған соң, ресми қонақтар конференц залдағы басқосуға қатысты.

– «Президенттің бес әлеуметтік бастамасы» Үндеуі тұрғын­дар арасында талқыланып, өз бағасын алып үлгерді. Маңызды құжат біздің қызметкерлерді де бейжай қалдырған жоқ. Әсіресе, үндеудің бірінші бастамасы – «Әрбір отбасына баспана алудың жаңа мүмкіндіктерін  беру», яғни «7­-20­-25» бағдарламасы құтқару­шыларды қызықтырып отыр, – деді «Кәсіби әскерилендірілген авариялық-­құтқару қызметі» РМК Маңғыстау филиалының дирек­торы Байшылық Сарман.

Алғашқы сөзді Ақтау қалалық мәслихатының депутаты Қуа­ныш Есетов алып, Елбасының ел игілігі жолында жариялаған «Бес әлеуметтік бастамасын» баянда­ды.

- Меніңше, 5 бастаманың ең ма­ңыздысы – тұрғын үй «7­-20-­25» бағдарламасы. Жоба бойынша қазақстандықтарға енді тұр­ғын үй төлемақысының 20 па­йызын төлеп, қалғанын 25 жыл­ да 7 пайызбен бөліп төлеуге мүмкіндік туып отыр. Қазіргі банктердің пайыздары өте жо­ғары, шарттары қиын. Сондық­тан бұл бағдарлама тұрғын үй саласына үлкен серпін береді деп ойлаймын. Биыл күзде банктер несие беру жолдары мен шарт­тарын анықтап беруі тиіс,– деді Қуаныш Есетов.

Бұдан соң «Нұр Отан» партия­сы Ақтау қалалық филиалының қызметкері Құндыз Дәулетбаева сөз алып, «7­-20-­25» бағдарлама­сы бойынша 7 пайызды 5 пайызға түсіруді сұрап, партияның орта­лық штабына хат жолдағанын айтты. Сондай­-ақ бұрынғы ипо­текалық несиелердің пайызын түсіруге қатысты да ұсыныстар мен өтініштерді жинастыруда екенін жеткізді.

Шара барысында құтқарушы­лар «7-­20-­25» бағдарламасының нақты жүзеге асырылатын уа­қыты, тұрғын үй алудың тиімді жолдары, сондай­-ақ «Қазақтан­ның тұрғын үй­-құрылыс банкі­нің» болашағы жайында өз сауал­дарын жолдады. Басқосу соңында халық қалаулылары Маңғыстау филиалының ұжымына әрдайым жауынгерлік даярлықта болуды, бірақ апаттық жағдайлардың бол­мауын тіледі. Алдағы уақытта банк өкілдерімен кездесу ұйым­дастыруға уәде берді.

Фарида МҰҢАЛҚЫЗЫ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.