Бірлік пен татулықтың мекені

©

Ел басына күн туған қилы замандарда халқымызды сақтап қалған ынтымақ пен бірлік екені баршамызға белгілі. Адамзат тарихында болған зобалаң жылдарда елім, жерім деп өткен батыр бабаларымыз қайсарлықтың, шыдамдылықтың, ауызбіршіліктің үлгісін көрсетіп, келер ұрпағына Тәуелсіздікті тарту етті. Бүгінгі Тәуелсіз Қазақстанның басты байлығы да – көпұлтты халқының татулығы. Берекені бетке ұстаған басы бір ел егемендік жылдарындамізде тарих толқынында тоғысқан түрлі этнос өкілдері бір шаңырақ астында ынтымақтастықта тату-тәтті ғұмыр кешіп жатыр.

Біз елімізде жыл сайын тойланатын Қазақстан халқының  бірлігі  күні мерекесі қарсаңында өзге ұлт өкілдерінің жастары арасында сауалнама жүргізген едік.

Айлазат  ҒАЗИБЕКОВА,«Ала-тоо» қырғыз этномәдени бірлестігінің  мүшесі:

1. Үлкендерден естіп білгені­міздей, біз өткен ғасырда түрлі се­бептермен тентіреп, жер аударыл­ғанымызда осы киелі Маңғыстау жеріне келіп, табан тіредік. Нәубет жылдарды бастан өткеріп, қиын жағдайда отырған қазақ халқы өзге ұлт өкілдеріне жүрегінің кеңдігін, көңілінің дарқандығын білдіріп, бізді қанатының асты­на алды. Тағдырдың тәлкегіне ұшырап, сырттан келген өзге ұлттарды бауырына басып, ежел­ден бойына сіңген қасиеттері – қонақжайлылық, бауырмал­дылық танытты. Сөйтіп, біздің әкелеріміз бен аналарымыз да осы елге, жерге сіңісіп, қазақ­тармен бірге тұрмыс кеше бастады. Біз тарихи Отаны­мыздан алысқа кетсек те, өзге елде өгейлік көрген жоқпыз. Тәуелсіз елде өсіп­-өндік, жапырағымыз  жай­қалды, өрісіміз кеңейді. Қазақ­станда өмір сүріп, өз тілімізді, салт-­дәстүрімізді, әдет-­ғұрып­тарымызды, ұлттық болмысымызды жоғалтпай, сақтап келеміз. Егемендігін еншілеп алған Қазақ қазақтар елінде ауызбіршіліктің арқасында 130­-ға жуық түрлі ұлт өкілдерімен бірге тату-­тәтті ғұмыр кешіп жатырмыз. Татулық пен тұрақтылық салтанат құрған елде білім алуға, еңбек етуге, жан­-жақты болуға, ізденуге, өсіп­ өнуге барлық мүмкіндік бар. Бір­лік, татулық сынды егіз ұғымдар әрбір ұлт үшін қастерлі де қасиетті екені анық. Ендеше, барымызды бағалай білейік!

2. Мен алғаш мектеп табал­дырығын аттаған жылы қазақ сы­ныбына бардым. Көршілерім де қазақтар болды. Достарымның арасында өзгеге қарағанда қазақ арқасында ұлтының өкілдері басым.  Жақын араласатын құрбы­-құрдастарым­ның қыз ұзату, үйлену және тағы да басқа тойларына барып, тәлім­ тәрбиесі, тағылымы мол қазақтың салт­-дәстүрінің көрінісін талай көрдім. Бұл жоралғылар біздің салт-­дәстүрге ұқсағанымен өзін­дік ерекшеліктері де бар. Мен бел­сенді жас болғандықтан өзге ұлт өкілдерімен бірге  еліміздің  бас­қа өңірлеріне шығып, саяхаттап, түрлі шараларға қатыстым, аралас­ құралас болдым. Осындайда қа­зақ тілін білу – достықтың кілті, ынтымақтастықтың бастауы деп білемін. Мемлекеттік тіл – біздің ортақ құралымыз, қарым-­қатынас тілімізге айналды.

Достарым әртүрлі ұлт өкілдері болса да бір-­біріне қамқор, жана­шыр, тілекші. Бір-­бірінің басына қиындық түссе, бөліседі, қуаныш болса ортақтасады. Біздің тілі­міз басқа болғанымен, тілегіміз бір, жүзіміз басқа болғанымен жүрегіміз бір. Мен бүгінде Түркістандағы Қожа Ахмет Ясса­уи атындағы халықаралық қазақ­-түрік университетінде әлеуметтік ғылымдар факультетінде білім алып жатырмын. Мұндағы ұлттар достығы – өнеге, халықтар дос­тығы – көпке үлгі деп ойлаймын. Барша қазақстандықтарды мерейлі мерекемен құттықтаймын! Ортақ шаңырағымыздың ырыс-­несібесі ортаймасын!

Шахноза МОЛОТОВА, «Ақтау ұйғырлары» ұйғыр этномәдени бірлестігінің мүшесі:

1. Біздің ортақ Отанымыз Қазақстан – әлемге әр қырынан, соның ішінде көп ұлтты мемлекет ретінде де танылды. Барлық ұлттардың терезесі тең, керегесі кең, мүдде­-мақсаты бір, еркін еңбек етуіне, қандай да бір кәсіппен шұғылдануына мол мүмкіндік бар. Осы жарқын істердің көрінісі бірліктің, тыныштықтың, елдің амандығының арқасы деп білемін. Қазір әлемнің кейбір елдерінде халықтар мен ұлт­тардың арасындағы достық қарым­-қатынас, байланыс үзілген, тыныштық бұ­зылған. Біздің елдегідей болашаққа сенімділіктен гөрі кү­мән мен қауіп-­қатер басым. Қазақ­тың пейіліндей дарқан даладан пана тауып, бірге бауырлас болып кеткен ұлттар бір шаңырақтың астында бейбіт, мамыражай күн кешуде. Әртүрлі ұлт пен ұлыс еліміздің экономикалық-­әлеуметтік дамуына, көркеюіне, гүлденуіне атсалысып келеді. Қоғамның қай саласын алып қарасаңыз да, ара­ ласып­-құраласып, ымырашыл­дықта, түсіністікте еңбек етіп жүр­ген әртүрлі ұлт өкілдерін көресіз. Бірлікке ұйыған ұлттар қиын­-қыс­тау заманның қиындығын бірге ең­серіп, еліміздің баянды болашағы мен жасампаздықтың жарқын жолында еселі еңбегі мен қажыр­-қайратын сарп етті. Ел дамуында­ғы оң өзгерістер, алға басу, биікке өрлеу – ұлттар арасындағы тату­лықтың, қоғамдық келісімнің үлгісі деп білемін.

2. Менің ата­-анам ұйғыр болса да, мемлекеттік тілді жақсы біледі. Әкем қаржы саласында жұмыс істе­се, анам – тігінші. Ата­-анамыздың тілді білуі, көршілеріміздің, доста­рымыздың қазақ болуы біздің осы тілді меңгеруімізге септігін тигіз­ді. Мен өзім білім алған Ақтау қаласындағы №6 орта мектепте бастауыш сыныптарға ағылшын тілі пәнінен сабақ беремін.

2002 жылы мектебімізде ди­ректор болған Валентина Ястремс­каяның бастамасымен кішігірім Ассамблея құрылған. Сол уақыт­тан бері аралас мектептің қабыр­ғасында көп ұлттардың достығы мен ынтымағын жарастыратын тағылымды шаралар жиі ұйым­дастырылып келеді. Қазіргі таңда мектебімізде 20-­ға жуық ұлт өкілі білім алып жатыр. Мектепте мере­келік, оқу-­тәрбиелік шаралардың, сабақтардың барлығы ұйымшыл­дықпен, ауызбіршілікпен өтеді. Бір ғана мектептің өзінен ұлттар арасындағы татулықты, достықты көруге болады.

Тұтастық пен тұрақтылықтың туын биікке көтеріп, елдігімізді нығайта түсетін атаулы мерекемен баршаңызды құттықтаймын! Бе­реке­-бірлігіміз берік болып, ырыс­-ынтымағымыз нығая берсін!

• Маңғыстау облысында 50-ге жуық ұлт өкілі тұрады.
• Аймақта қоныстанған ең көп ұлт өкілдерінің ішінде қазақтардан кейінгі орынды орыстар мен әзірбайжандар алады.
• Облысымызда ең алғашқы болып 1989 жылы «Ехпайрутюн» армян этномәдени бірлестігі құрылды.

Фарида МҰҢАЛҚЫЗЫ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.