Маңғыстауда мемлекеттік тілді меңгергендердің үлесі 94,1% жетті

©

Бұл туралы бүгін Маңғыстау облысының әкімі Ералы Тоғжановтың төрағалығымен өткен аппараттық жиында Маңғыстау облыстық тілдерді дамыту, архивтер мен құжаттама басқармасының басшысы Гүлзайда Төлеуғалиева мәлімдеді.

"Облыстағы мемлекеттік тілді меңгерген тұрғындардың үлесі – 94,1%. Орыс тілін меңгерген тұрғындардың үлесі – 50,8 %", - деп атап өтті Г. Төлеуғалиева.

ТАҒЫ ОҚЫҢЫЗ: Ақтау тұрғындары қазақ тілін тегін үйрене алады

Қазақстан Республикасының Тілдерді дамыту мен қолданудың 2011-2020 жылдарға арналған мемлекеттік бағдарламасын іске асыру жайында баяндай келе, ол Маңғыстаудағы ауылдар мен көшелерге атау беру бойынша да тоқталып өтті.

«Маңғыстау ауданындағы 6 көше және 15 шағынауданға, Түпқараған ауданындағы 1 көшеге, Бейнеу ауданындағы 3 көше және 1 даңғылға облыстық ономастика комиссиясының оң қорытындысы берілді. Сонымен қатар, Республикалық ономастика комиссиясының қарауына Маңғыстау ауданындағы 1 білім беру мекемесіне атау беру жөніндегі құжаттар ұсынылды», - деді облыстық тілдерді дамыту, архивтер мен құжаттама басқармасының басшысы Г. Төлеуғалиева.

Камшат ОҢҒАЛТАЙ

Суретті түсірген Серік МАЙЕМЕРОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.