©
Ардақты ағайын! Қадірменді жерлестер! Исі мұсылманның ұлық мерекесі «Құрбан айт» құтты болсын!
Жаратушы Алла мұсылман баласына тарту еткен ұлық мерекенің бірі «Құрбан айт». Құрбан айт – мемлекеттік мереке. Қасиетті құрбан айт күндерінде бір Алланың разылығы үшін шалатын құрбандықтарыңызды Жаратушы Иеміз қабыл етіп, мол сауаптан жазсын!
Алла Тағала мұсылмандарға жыл он екі айдың ішінде осы күндері ғана Мекке қаласында қажылық парызды өтеуді парыз еткен. Сондықтан құрбан айт мерекесі – ұлық мерке. Санаулы күн ішінде бес парыздың бірі болған қажылық міндетін атқару үшін әлемнің түкпір-түкпірінен милиондаған мұсылман қасиетті Меккеге аттанады. Милиондаған қажылар Алланың жердегі үйі қасиетті Қағбаны тауап етіп, қажылық борышын өтейтін болады. Бұл күндері қажылыққа барған мұсылмандар және бара алмаған мұсылмандар ақ ниетпен құрбан шалады. Әрине құрбандықты жағдайы келген мұсылман ғана шалады. Жағдайы келмеген жанға құрбан шалу міндет емес. Алла Тағала қасиетті Мекке топырағындағы қажылардың дұғасы мен шалған құрбандығын қабыл еткендей Сіздердің де шалған құрбандықтарыңызды қабыл етсін әрі сауаптан жазғай.
Тағы оқыңыздар: Ғұмар Қараш неге құрбандық шалуға қарсы шыққан?
Алла Тағала тәуелсіз еліміздің егемендігін мәңгілік еткей. Елімізге тыныштық, халқымызға амандық, әрбір шаңыраққа құт берекесін бергей. Елбасымыз бен Дінбасымызға зор күш қуат берсін. Құрбан айт құтты болсын ағайын!
Ізгі тілекпен,
ҚМДБ-ның Маңғыстау облысы бойынша
өкіл имамы С.СЕЙТБЕКОВ