Әйгілі бизнес-тренерлер Ақтауға келді

Ақтауда «Сенің үздік нұсқаң» атты халықаралық форум өтті. Форумға әр аймақтан 600-ге жуық адам қатысты, - деп хабарлайды mangystaumedia.kz сайты.

Форумды "ADAL.BIZ" бизнес қауымдастығының тең құрылтайшысы Айдана Мақсұтова мен Бауыржан Қилыбай ұйымдастырды. Бас демеуші - "BS Holding" құрылыс компаниясы.

Қазақстандық кәсіпкерлер елге және шетелге танымал Шамиль Аляутдинов, Бейбіт Алибеков, Қуаныш Шонбай, Тимур Худайбергенов есімді бизнес-тренерлердің дәрісін тыңдап, ақпараттармен танысты. Қажетті сауалдарға жауап алды.

Ұйымдастырушылардың айтуынша, форумның мақсаты – облыстағы кәсіпкерлерін басын біріктіру, өзара танысу. Сондай-ақ аталған кездесу Маңғыстау облысындағы орта және шағын кәсіпкерлікті дамытуға, бірлескен жобаларды ұйымдастыруға мүмкіндік береді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.