Н. Жантөрин театры маусымда қандай қойылымдарды ұсынады

Маусым айында Н. Жантөрин театры сахнасында екі спектакльдің тұсауы кесіледі, - деп хабарлайды mangystaumedia.kz сайты.

Алғашқы қойылым - «La mom Piaf», тұсаукесері 2-3 маусым күндері сағат 19:00-де сахналанады.

5 маусым күні И. Сапарбайдың «Сыған серенадасы» музыкалық драмасын көре аласыз.

Ал 8 маусым күні «Естайдың Қорланы» қойылымының тұсауы кесіледі. Сондай-ақ аталған қойылым 9 және 29 маусым күндері көрермендерге ұсынылады.

12 маусым күні «Бес бойдаққа бір той» комедиясы қойылады.

14-16 маусым күндері театр ұжымы Түркістан облысындағы Маңғыстау күндеріне сапарға шығады.

Кейін 21-25 маусым аралығында Грузия фестиваліне жол тартады.

26 маусым күні теарт сахнасында М. Мағауиннің «Әйел махаббаты» сахналанады.

Балаларға арналған қойылымдарды назарыңызға ұсынамыз.

1 және 10 маусым күндері сағат 11:00-де «Алладиннің сиқырлы шамы» ертегісі сахналанады. 1 маусым күні сахналанатын ертегі балаларға тегін болмақ.

4 маусым күні «Бауырсақ» ертегісі балаларға ұсынылса, 11 маусым күні «Ну, погоди» ертегісі қойылады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.