Маңғыстаулық студенттер шәкіртақының кешіккеніне шағымданды

Маңғыстау туризм колледжінің студенттері қаңтар айында шәкіртақы кешіккеніне шағымданды, - деп хабарлайды mangystaumedia.kz.

Әлеуметтік желіде колледж студенттері әр айда шәкіртақы кеш берілетінін айтып, наразылығын білдірді.

Бүгін қаңтардың 25-і. Әр айда әлеуметтік көмек, зейнетақы берілетін кезде неге шәкіртақы да берілмейді? Неге үнемі бір ай кеш беріледі?, - деп жазады әлеуметтік желі қолданушысы.

Ал білім басқармасында мемлекеттік тапсырыс бойынша келісім-шарт жасау аяқталмағандықтан шәкіртақының берілмей жатқанын айтады.

Қазақстан Республикасы Білім және ғылым министрінің 2022 жылғы 14 қаңтардағы № 12 "Мемлекеттік сатып алу веб-порталы арқылы мемлекеттік білім беру тапсырысының көрсетілген қызметтерінің шарттарын жасасу қағидаларын бекіту туралы" бұйрығына сәйкес, мемлекеттік коммуналдық қазыналық кәсіпорындарымен мемлекеттік тапсырыс бойынша келісім-шарт жасасу жүргізіліп жатыр. Келісім-шарт толықтай аяқталған жағдайда, ақпан айынан бастап шәкіртақы төленетінін хабарлаймын, - деді Маңғыстау облысы білім басқармасының бюджетті жоспарлау және стратегиялық дамыту бөлімінің басшысы Күмісай Сәрсенова.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.