Құрметті Ақтау қаласының тұрғындары!
Сіздерді қала күнімен шын жүректен құттықтаймын! Биыл қаламыздың 58 жылдығы тойлануда. Тарих үшін бұл санаулы уақыт болғанымен, қала дамуы үшін маңызды кезең.
Шөл далада ақмаржан қаланың бой көтеруіне еселі үлес қосқан ғалымдар, мемлекет қайраткерлері, инженерлер мен қарапайым жұмысшылардың еңбегі еш кетпеді. Осы жылдар ішінде Ақтау үлкен жетістіктерге жетті.
Бүгінде Ақтау Қазақстан экономикасының дамуына елеулі үлес қосып, қарқынды дамып келе жатқан қалалардың бірі. Бұл да ақтаулықтардың қажымас қайраты мен еңбегінің айқын дәлелі деп білемін. Осы орайда, қаланың іргетасын қалаушы ардагерлер мен «Құрметті азамат» иегерлеріне алғыс білдіргім келеді. Ендігі баршамызға ортақ міндет - осы жетістіктерді сақтап, әрі қарай дамыту, қаламызды қызықты жобалар мен инновациялар үшін тартымды ету.
Қымбатты жерлестер!
Сіздерді қала күнімен құттықтаймын! Әр отбасыға зор денсаулық, бақыт пен амандық тілеймін! Сүйікті қаламыздың дамуы мен өркендеуі жолындағы еңбектеріңізге сәттілік тілеймін!
Ізгі тілекпен Ақтау қаласының әкімі Н.Қилыбай
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
