Ақтауда ел Тәуелсіздігінің 30 жылдық, Ақтау қаласының 58 жылдық мерейтойы аясында Бисембі Әріпұлының 100 жылдық мерейтойына орай ақсақал ғұмыр кешкен үй қабырғасына мемориалдық тақта орнатылды, деп хабарлайды mangystaumedia.kz.
Бисембі Әріпұлы Ұлы Отан соғысының ардагері, Қазақстан ауыл шаруашылығына еңбегі сіңген қызметкер, республикалық дәрежедегі дербес зейнеткер, Қазақ ССР Жоғарғы Кеңесінің екі мәрте Құрмет грамотасының, екі Еңбек Қызыл Ту, Құрмет белгісі, Құрмет ордендерінің және көптеген медальдардың иегері, шежіреші-абыз.
Жиынға Ақтау қаласы әкімінің орынбасары Әбілқайыр Байпақов, Маңғыстау облысы ардагерлер төрағасының орынбасары Талап Жанжігітұлы, жазушы Отыншы Көшбайұлы, абыз ақсақал ұлы, "Маңғыстау" облыстық газетінің редакторы Ғалым Әріп және ағайын-тумалары атсалысты. Іс-шарада Бисембі Әріпұлының өнегелі өмір және тағылымды еңбек жолы жөнінде тағылымды әңгіме өрбіп, естеліктер айтылды.
Толығырық "Маңғыстау" газетінен оқи аласыздар.
Суреттерді түсірген Талант ҚҰСАЙЫН
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
