Ақтауда 5 шағынауданға кешенді абаттандыру жұмыстары жүргізіледі

Ақтауда NCOC компаниясының демеушілігімен 5, 8, 9, 13, 28 шағынаудандарына кешенді абаттандыру жұмыстары жүргізіледі, деп хабарлайды mangystaumedia.kz.

Әр шағынаудан бойынша сметалық құжаттамаға сәйкес тиісті қаражат қарастырылған. Осы қаражат көлемінде шағынаудандардағы ішкі жаяу және автокөлік жолдарын жөндеу, балалар ойын және спорт алаңдарын жаңарту жұмыстар жүргізіледі.

Былтыр Ақтаудағы 2, 6, 7, 12, 26 және 27 шағынаудандарда толығымен кешенді абаттандыру жұмыстары жүргізілген. Биыл 5, 8, 9, 13, 28 шағынаудандар бойынша жалғасын тапқан абаттандыру жұмыстары 15 маусым күні басталмақ.

Осыған орай, тұрғындардың қолайлы тұрмысы үшін және мердігер мекемемен бірлесіп жұмыс істеу мақсатында әр шағынаудандардан ұсыныстарды қабылдайтын ынталы топтар құрылмақ. Ынталы топ құрамында тұрғындардан өзге шағынаудандағы мәслихат депутаттарымен қатар, қоғамдық кеңес мүшелері де болады. Егер сіз осы шағынаудан тұрғыны болсаңыз және сіздің абаттандыруға қатысты қандай да бір ұсыныңыз болса, 8702 120 4665 нөмеріне хабарласып, ынталы топ құрамында болыңыз. Біз үшін әр тұрғынның ұсынысы маңызды! Абаттандыру жұмыстары алдағы уақытта өзге де шағынаудандарда жүргізіледі, делінген Ақтау қаласы әкімінің бспасөз қызметі таратқан ақпаратта.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.