Мал азығы: Екі облыс аудандары арасында келісімдер жүргізілді

Жақында Маңғыстау облысынан арнайы жұмыс тобы құрылып, жем-шөп мәселесін шешу барысында Ақтөбе облысына іс-сапармен барған болатын. Іс-сапар барысында Ақтөбе облысының аудандарын аралап зерделеп, екі облыс арасында меморандумға қол қойылып, екі облыс аудандары арасында келісімдер жүргізілді, деп хабарлайды mangystaumedia.kz.

• Ақтөбе облысы Мәртүк ауданына қарасты «Milker» ЖШС шаруашылығы көк майса жоңышқа өнімінің 1 тоннасын 60 мың теңгеге ұсынды (тасымалсыз).
• Қобда ауданына тиесілі босалқы 10 000 га жер көлемін Маңғыстау шаруаларына шабындыққа берілетін болды және жергілікті 11 кәсіпкер рулонын 6 мың теңгеден шөп сатылатынын мәлімдеді.
• Алға ауданы тарапынан 18200 тонна шөпті алуға 12 кәсіпкермен келісілді.
• Мұғалжар ауданы тарапынан ауданға тиесілі 65 мың гектар жерден шөп шабуға келісім беріліп, 11 кәсіпкер бағасы 5 мың теңгеден 15 мың рулон шөпті сатуға келісілді.
• Байғанин ауданы тарапынан шабындыққа 3 мың гектар жер берілетін болды. Қолжетімді бағада 100 мың түк шөп алып келуге келісілді.

Бұл жұмыстар орындалған жағдайда шілдеден бастап биылға шабылған шөп аудандармен белгіленген операторлар арқылы жеткізіледі. Ақтөбе облысынан, өңірімізде 1 рулон шөп шамамен 16 мың тг сатылады.

Сондай–ақ, өңірімізді жем шөппен қамтамасыз ету мақсатында«Каспий» ӘКК АҚ арқылы 150 млн. теңге бөлінді. Қазіргі таңда, 54 млн теңгеге 637 тонна арпаны, облысымызға дейін тоннасын 87 000 тгден, сатып алынған болатын. Жалпы келісім 1 733 тоннаға.

3 маусымдағы аудан әкімдіктерінің мәліметіне сәйкес облыс бойынша дайындалған мал азығы 19 960,9 тоннаны құрады. Оның ішінде шөптің көлемі – 6 581,4 тонна.

Өзге облыстардан тасымалданып және өз өңірімізде дайындалған жемнің көлемі барлығы – 13 379,5 тоннаны құрады, делінген Маңғыстау облысының ауыл шаруашылығы басқармасы таратқан ақпаратта.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.