Полицейлер заңсыз жұмыс істеген букмекерлік кеңсені анықтады

Кеше сағат 21.30 шамасында Жаңаөзен қалалық Полиция басқармасының қызметкерлері заңсыз әрекеттің жолын кесті, деп хабарлайды mangystaumedia.kz сайты облыстық Полиция департаментінің баспасөз қызметіне сілтеме жасап.

Букмекерлік кеңсе Жаңаөзен қаласындағы Рахат-3 шағын ауданының Жұлдыз көшесінде жұмыс істеген.

Полиция заттай дәлел ретінде 12 мониторды, 12 жүйелік блокты, 1 кассалық аппаратты және 2 теледидарды тәркіледі. Материалдар шешім қабылдау үшін Мемлекеттік кірістер департаментіне жолданды.

Маңғыстау облысының полиция басшысы Жанарбек Бақтыбаев, мұндай фактілер аз кездеспейді деп атап өтіп, азаматтарды ҚР заңнамасының нормаларын бұзбауға шақырады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.