Ақтау қаласының әкімі қасиетті Рамазан айымен құттықтады

Құрметті қала тұрғындары мен қонақтары!

Сіздерді әлемнің барша мұсылмандары асыға күткен қасиетті Рамазан айының келуімен шын жүректен құттықтаймын!

Халқымыз ежелден рамазанды ерекше қастерлеп: «Он екі айдың сұлтаны», – деп атаған. Берекесі мол айда жарамазан жырын айтып, оразаның келгенін қуанышпен жеткізіп, насихаттаған. Ал ауызашар дастарқаны рухани сұхбаттың, бата мен ізгі тілектің қайнары болған.

Айлардың сұлтаны болған Рамазан – мейірімділік пен құлшылықтың маусымы. Береке мен бірлік нығайып, мейірім мен қайырым сияқты қасиеттер артатын ай. Ғибадат айында иманды жаңартуға, ізгілік істер арқылы жүректі жұмсартуға мүмкіндік беріледі.

Рамазан – рақым айы. Бір-бірін кешіріп, мейірімділік жолын ұстанған пенделер сауапқа кенеледі.

Рамазан – жақсылық айы. Оразада әрбір жақсы амалдың сауабы еселе¬ніп жазылады. Хадис-шарифте айтылғандай, «адам баласының барлық игі істерінің сауабы артады.

Қадірлі мұсылман қауым!

Қасиетті айда жасайтын құлшылық, дұға-тілектеріңіз қабыл болсын! Алға қойған арман-мақсаттарыңыз орындалып, оразадан оразаға аман-есен жете беруімізді Алла нәсіп етсін! Еліміз аман, жұртымыз тыныш, халқымыздың бірлігі нығайып, берекесі арта бергей!

Құрметпен, Ақтау қаласының әкімі Нұрдәулет Қилыбай

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.