Маңғыстау облысының Дін істері басқармасы жанынан діни бірлестіктер басшыларының клубы құрылды. Бұл туралы mangystaumedia.kz сайты МО Дін істері басқармасының баспасөз қызметіне сілтеме жасап хабарлайды.
Басты мақсат - діни саладағы өзекті мәселелерді талқылау. Конфессияаралық қатынастарды дамытып, өңірдің діни бірлестіктері арасындағы түсіністікті нығайту барысы көзделген.
Діни бірлестік өз қызметінде мемлекеттік органдармен, діни және қоғамдық бірлестіктермен, аймақтық деңгейдегі үкіметтік емес ұйымдармен іс-шара жүргізеді.
Қазіргі уақытта клуб құрамына әртүрлі діни бірлестіктердің 11 өкілі кіреді. Кездесуге 7 діни бірлестік өкілдері қатысты. Оның ішінде Қазақстан мұсылмандары діни басқармасының филиалы Маңғыстау облыстық орталық мешіті, «Благовещенск Приходы Орал Епархиясы» жергілікті православиелік діни бірлестігі, «Қасиетті Исустың Жүрегі» Римдік-Католиктік Діни Қауымы, Ақтаулық Кришна санасы қоғамының, «Христиандық миссиясын жаңғырту» шіркеуі, «Рақым сөзі» Інжілдік Мәсіхші Баптистердің Қауымы», «Ақтау қ. «Жаңа Өмір» Евангелдік Сенім Мәсіхшілерінің Сенушілер Қауымы» өкілдері қатысты.
Клуб мүшелері Президенттің Қазақстанды зайырлы мемлекет ретінде қалыптастыруға бағытталған саясатын жан-жақты қолдайтындықтарын мәлімдеді. Деструктивті және экстремистік діни топтардың қызметін тоқтату үшін қажетті шараларды қабылдауға мүмкіндік беретін заңдарға түзетулер енгізу. Олардың идеологиясының таралуына қарсы тұруға дайын екендіктерін білдірді.
«Бұл жоба ұзақ мерзімге арналған. Алғашқы отырысы өтіп, төраға мен екі орынбасар сайланды. Клубтың отырысы тоқсанына бір рет өткізіледі. Бізде тәжірибе жеткілікті. Менің ойымша, клуб жұмысы тиімді және пайдалы болады. Клуб отырысын тек әкімдік ғимаратында ғана емес, сонымен бірге діни бірлестіктер аумағында өткізу жоспарланып отыр», - деді облыстық дін істері басқармасының басшысы Мақсатбек Маханбетов.
Клуб төрағасы болып облыстық дін істері басқармасының басшысы Мақсатбек Маханбетов тағайындалды. Бекет ата мешітінің бас имамы Әнуар Елжанов пен «Благовещенск Приходы Орал Епархиясы» жергілікті православиелік діни бірлестігінің басшысы Игорь Выриков бірауыздан орынбасарлары болып сайланды.
«Мұндай клубтың құрылуы маңызды деп санаймын. Әрине, клуб біздің әрбір діни бірлестікте кездесетін белгілі бір өзекті мәселелерді талқылауға, басқа діни бірлестіктермен өзара әрекеттесуге, сонымен қатар діни бірлестіктердің басшыларымен жеке қарым-қатынас орнатуға көмектеседі. Бұл дер кезінде және уақтылы қабылданған шешім», - деді «Қасиетті Исустың Жүрегі» Римдік-Католиктік Діни Қауымының басшысы Александр Калиновский.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
