Ақтау қаласында 34 шағынауданда орналасқан «Достық» үйінде №2 Ақтау қалалық емхананың жылжымалы егу пункті ашылды, деп хабарлайды mangystaumedia.kz.
№2 Ақтау қалалық емханасының эпидемиолог дәрігері Ибрашева Ардақ Ерболқызының айтуынша, 34 шағынаудандағы «Достық» үйінде ашылған егу кабинеті күн сайын 8:30-дан кешкі 18:00-ге дейін жұмыс істейді. 12:30: 14:00 аралығында түскі үзіліс.
№2 Ақтау қалалық емханасы «Достық үйінің» ғимаратында егу кабинетін жабдықтап ашты. Бүгін біз бірінші компоненттен 100 доза вакцина алып келдік. Екпе алу алдында дәрігер толықтай тексеру жасайды. Медициналық қарсы көрсетулер болмаған жағдайда ерікті түрде екпе алуға келген адамға вакцина егіледі. Екпе тегін түрде салынады. Қазіргі таңда салынып жатқан вакцина Ресейден әкелінген СПУТНИК-V. Осы жерге кез келген адам келіп екпе алуына болады, - деп атап өтті Ардақ Ерболқызы.
Аталған егу пунктіне екпе алу үшін келген Ақтау қаласының тұрғыны вакцинаны өз денсаулығын сақтау мақсатында ерікті түрде салдыруға келгенін айтты.
Өзінің және отбасы мүшелерінің денсаулығы үшін кез келген адам екпе салдыру арқылы індеттен қорғана алатынын ескеріп, қала тұрғындарын жұқпалы вирустан қорғану жолдарын саналы түрде дұрыс таңдау керек деп ойлаймын,- деді ол.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
