Ақтауда әскери химиктер шеберлігін шыңдап жатыр

Теңіз жаяу әскерлері бригадасында радиациялық, химиялық және биологиялық қорғау бөлімшелерімен нұсқаулық-әдістемелік сабақтар өткізілді, деп хабарлайды mangystaumedia.kz.

Практикалық сабақта теңіз жаяу әскерлері бригадасының әскери қызметшілері Ар-4С автоматты газ сигнализаторын, көп режимді детекторды, радиациялық және химиялық барлау құралын, «Воутекст» оқшаулағыш костюмін, жалпы әскери қорғаныс жиынтығын, Л-1 жеңіл костюмін зерделеді, Сондай-ақ әскерлердің қозғалыс бағыттарын барлау бойынша нормативтерді тапсырды.

«Радиациялық және химиялық барлау құралы үздіксіз бақылау, дыбыстық және жарық сигналдарының берілуін анықтау және ұжымдық қорғаныс құралдарының атқарушы механизмдерін басқару мақсатында броньды объектілерде пайдалануға арналған», – деп атап өтті 25744 әскери бөлімі радиациялық, химиялық және биологиялық қорғау командирі ротасының капитан Шерхан Нышанов.

Айта кету керек, пандемия кезінде теңіз жаяу әскерлері бригадасының радиациялық, химиялық және биологиялық қорғау жеке құрамы Ақтау қаласын дезинфекциялауға қатысты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.