Экология, геология және табиғи ресурстар министрлігінде Экологтар және бүкіләлемдік қоршаған ортаны қорғау күніне арналған салтанатты іс-шара өтті. Коронавирус пандемиясына байланысты елдегі жағдайды ескере отырып, аймақтардағы ведомстволық бағынысты ұйымдар мен аумақтық бөлімшелер «Zoom» платформасы арқылы қосылған болатын. Бұл туралы Маңғыстау облысы экология департаментінің баспасөз қызметі хабарлады.
Шара кезінде қоршаған ортаны қорғау саласындағы белсенді және жемісті жұмысы, жоғары кәсіби қасиеттері мен еліміздің табиғи байлықтарын сақтауға, қоршаған ортаны қорғау мен қалпына келтіруге қосқан жеке үлесі, жаңашылдық пен бастамашылық, халық арасында экологиялық қозғалысты танымал ету жөніндегі жетістіктері үшінҚазақстан Республикасы Экология, геология және табиғи ресурстар министрлігінің «Экология саласының үздігі» төсбелгісімен Маңғыстау облысы экология департаментінің зертханалық талдамалы бақылау бөлімінің бас маманы Төлепова Раушан Дәулетқалиқызы марапатталды.
Маңғыстау облысы экология департаментінің басшысы Руслан Төкенов, өз ұжымдастарына табиғи таза ортада өмір сүруді қамтамасыз етіп отырған қоршаған ортаны қорғау қызметкерлерінің кәсіби мерекесімен құттықтап, дендеріне саулық, толағай табыс, отбасыларына береке тіледі.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
