Маңғыстау облысының көлік-логистикалық әлеуеті туралы өңір басшысы Серікбай Трұмов Forbes.kz басылымына сұхбат берді.
Өткен жылдың қорытындысы бойынша Қытай – Еуропа – Қытай бағытында тасымалданған 88%-тауар еліміз арқылы өткен. (бір жылдан бұрынғы көрсеткіш 77%). Мұндай жетістікке Маңғыстау облысында орналасқан теңіз инфрақұрылымының мүмкіндіктерінің арқасында қол жеткізілді.
Ақтау қаласы Қазақстанның батыс көліктік-логистикалық астанасы деп аталады. Оған Ақтау халықаралық әуежайы, Ақтау теңіз сауда порты, Баутино теңіз порты, Құрық порты, Ақтау теңіз солтүстік терминалының ықпалы зор.
Ақтауда темір жол вокзалы болмағанымен темір жол желісі тікелей Құрық портына келіп кіреді. Бұл басқа елдерден келген клиенттер үшін өте тиімді. Өткені жол Ақтауға қарағанда 4 сағатқа қысқа.
- Құрық портына Иран, Әзербайжан, Түркия, Румыния, Грузиядан жүктер келеді. Бүгінде Қазақстанның транзиттік әлеуетін одан әрі дамыту үшін экономикалық тартымды бағыт құру бойынша бірқатар жұмыстар жүргізілуде.
Мәселен, бұған дейін жоспарланғандай 2020 жылы Құрық портының жүк айналымы 2 млн тоннаны құрауы тиіс. Бізде ондай көрсеткішке жететін мүмкіндіктер бар. Ең бастысы халықаралық деңгейде - өзіміздің бәсекеге қабілеттілігімізді көрсету және Қазақстан арқылы тасымалдаудың тиімділігін дәлелдеу, - дейді Маңғыстау облысының әкімі Серікбай Трұмов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
