Жеке куәлікті жиі жоғалтатындар үшін баж сомасы өседі

Елімізде кәмелетке толмаған балаларға берілетін паспортқа қатысты мемлекеттік баж сомасы төмендетіледі. Бұл туралы Сенаттың жалпы отырысында депутат Сергей Карплюк айтты, деп хабарлайды mangystaumedia.kz ҚазАқпаратқа сілтеме жасап.

Бүгін Сенатта «Салық және бюджетке төленетін басқа да міндетті төлемдер туралы» Кодекске және «Салық пен бюджетке төленетін басқа да міндетті төлемдер туралы» Кодексін қолданысқа енгізу туралы» Заңға өзгерістер енгізу туралы» заң жобасы бірінші оқылымда қаралған болатын.
«Халықтың көші-қон бөлігінде тиісті нормалары қамтылып отыр. Осы орайда кәмелетке толмаған балаларға берілетін паспорттар үшін мемлекеттік бажды 8 АЕК-тен 4 АЕК-ке дейін төмендету ескерілген. Сонымен қатар берілген паспорт парақтарының санына қарай мемлекеттік баждың сараланған мөлшерлемесі (16 жасқа дейінгі балаларға берілетін 22 беттен тұратын паспорт – 4 АЕК немесе 13 800 теңге, 36 бет – 8 АЕК, 48 бет – 12 АЕК) енгізілмек», - деп атап өтті С. Карплюк.

Ол өз жауабында жоғалған құжатты алғашқы жоғалтқан сәттен бастап күнтізбелік бір жыл ішінде 2 және одан да көп рет қалпына келтіру үшін жүгінген кезде, жеке куәлік қайта берілгенде мемлекеттік баж мөлшері ұлғайтылмақ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.