Арыс әскери бөлімнің қоймасында қуатты жарылыс болды (Видео)
[ 2019 ] 24 маусым, 09:39 | Қазақстан жаңалықтары
Түркістан облысның Арыс қаласындағы әскери бөлімнің қоймасында жарылыс болды, - деп хабарлайды mangystaumedia.kz сайты ҚазАқпаратқа сілтеме жасап.
Төтенше жағдайлар комитетінің хабарлауынша, бүгін сағат 9.20-да өртке қарсы қызмет бөліміне Түркістан облысында жарылыс болғаны туралы хабар түскен.
«Жарылыс болған жерде Түркістан облысының төтенше жағдайдалар департаментінің жеке құрамынан 30 адам мен 8 өрт сөндіру техникасы жұмылдырылды», - делінген ресми ақпаратта.
https://youtu.be/cJbg4okPtkI
Сонымен бірге, әлеуметтік желіде таралған видеода Арыстағы жарылыстың салдарынан тұрғындар үдере көшіп жатқаны айтылады. Онда Арыстың айналасындағы ауыл тұрғындары да қалаға қарай ағылып, жолдарда көліктер көбейіп кеткен соң, жол патрульдік полицейлері көлік қозғалысын реттеуге көшкен. Себебі, Арысқа қарай жедел жәрдем қызметі мен өрт сөндіру қызметі көптеп жіберілуде.
https://youtu.be/MzUb1obaFSM
ҚР Президенті Қасым-Жомарт Тоқаев тиісті органдарға Арыстағы әскери бөліміндегі оқ-дәрі қоймасында болған жарылыстың зардаптарын жою туралы тапсырма берді.
«Қорғаныс, Ішкі істер министрлеріне және Түркістан облысының әкіміне Арыс қ. әскери бөліміндегі оқ-дәрі қоймасында болған жарылыстың зардаптарын жою жөнінде шұғыл шаралар қабылдауды тапсырдым. Тұрғындардың қауіпсіздігін қамтамасыз етіп, жарылыстың себептерін анықтау қажет» - деп жазады Президент
өзінің twitter парақшасында.
867
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
