Токио олимпиадасы көрерменсіз өтуі мүмкін

Халықаралық Олимпиада комитеті (ХОК) Токиода өтетін олимпиаданы көрермендердің қатысуынсыз өтуі мүмкін екенін айтты. Бұл туралы комитет басшысы Томас Бах мәлімдеді, деп хабарлайды mangystaumedia.kz сайты Egemen.kz-ке сілтеме жасап.

"Біз Олимпиаданы қауіпсіз жағдайда өткізу үшін қажетті шараларды қабылдауға дайынбыз", – деп атап өтті Т. Бах.

Оның айтуынша, мемлекетаралық шекаралардың жабылуына байланысты жағдай күрделене түскен.

Сондай-ақ Жапония тұрғындарының жартысынан көбі билікті 2021 жылдың жазында олимпиада өткізу туралы шешімін айыптап отыр. Ұйымдастыру комитетінің өкілдері, егер коронавируспен жағдай тұрақтанбаса, олимпиаданы қайта ауыстыруға немесе мүлде өткізбеуге тура келетінін жоққа шығармайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.