Облыс әкімі Батыр ауылында газдан уланған отбасының жақындарына көңіл айтты

Маңғыстау облысыны әкімі Серікбай Трұмов Батыр ауылында болған оқиғаға қатысты қаза тапқандардың жақындарына көңіл айтты, - деп хабарлайды mangystaumedia.kz сайты.

Мұнайлы ауданы Батыр ауылында орын алған қайғылы жағдай қабырғамызды қайыстырды. Үш бала мен анасы газдан уланып қайтыс болды. Үш періште ғұмыр мен әлдилеген анасы өмірден өтті. Отағасы ауыр халде ауруханада және бір ұлы дәрігерлер бақылауында. Олардың сауығып кетуін тілеп отырмыз. «Тас түскен жеріне ауыр» дегендей, өте өкінішті. Апат айтып келмейді. Сондықтан әр жанұя басшысы отбасының амандығына жауапты. Бұл жауапкершілікті біз де біріге көтеру керекпіз. Қайғылы оқиға болған ауылға, отбасына, ағайын-туыстарына Маңғыстау халқының атынан қайғырып көңіл айтамын.

Айта кетейік, бұдан бұрын хабарлағанымыздай, Мұнайлы ауданына қарасты Батыр ауылында түгел бір отбасы газдан уланып, 39 жастағы әйел мен кәмелетке толмаған 3 бала қаза тапты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.